რამდენიმე თვის წინ კარიბჭის საიტზე გამოქვეყნდა სტატია "დიდუბის ღვთისმშობლის ხატი დღესაც ახდენს სასწაულებს მათთვის, ვინც რწმენით მიეახლება".

წერილს დიდი გამოხმაურება მოჰყვა, დაიდო ბევრი კომენტარი. ერთ-ერთმა უცხოეთში მცხოვრებმა მკითხველმა კი ასეთი თხოვნა გამოაქვეყნა:

"ძალიან გთხოვთ ნებისმიერ ღვთისნიერს, ვისაც ბედნიერება გექნებათ მიეახლოთ ამ უდიდეს სიწმინდეს,იქნებ ჩემთვისაც შესთხოვოთ ავადმყოფობისაგან განკურნება.გემუდარებით.საზღვარგარეთ ვმუშაობ ლუკმაპურისთვის.ვერ ჩამოვალ ალბათ ძალიან დიდხანს.არ მაქვს კარგი მდგომარეობა.ვინც ჩემთვის შესთხოვოს უფლისგან უდიდესი სიხარული და ბედნიერება მისცემოდეს.ღმერთი გიშველით...დამეხმარეთ..გთხოვთ გულით...."
ლელა

ჩვენთვის ძალიან გული ამაჩუყებელი და სასიხარულო იყო სხვა მკითხველთა გამოხმაურებები:

"ლელა, დამიჯერე, არა აქვს მნიშვნელობა საიდან ილოცებ, როცა გულით შესტხოვ, ადგილს არ აქვს მნისვლეობა. მისი ძალა შეგეწიოს და სრულიად გამოგაჯანმრთელოს! ამინ!"

"ლელა, სახელი და გვარი დაწერე, ავადმყოფობაც, მე ვილოცებ და აუცილებლად შეგეწევა!"

"მე ჩავალ ამ ეკლესიაში და აუცილებლად მოვილოცებ.მითხარით რომელ ქვეყანაში ხართ ან ნათლობის სახელი, რომ ლოცვაში მოგიხსენიოთ.ყოველდღიურ ლოცვებშიც მოგიხსენიებთ. ყველას შეეწიოს დედა ღმრთისმშობელი".

"ლელა აუცილებლად ვილოცებ შენთვის... შეგეციოს მისი მადლი...ცხონდი ორივე სოფელსა შინა"

"ლელა აუცილებლად შევთხოვ ამ ხატს შენს განკურნებას გფარავდეს უფლის და ღვთისმშობლის კალთა...."

ახლა, როცა ეს სტატია ისევ გამოვიტანეთ მთავარ გვერდზე, ასეთი კომენტარი დაგვხვდა:

"მე ის ლელა ვარ უცხოეთიდან ადრე კომენტარებში დავწერე ჩემთვის განკურნება ეთხოვა ვინმეს.არვიცი ვინმე ღვთისნიერმა თუ ილოცა ჩემთვის თუ თავად სასწაულმოქმედმა ისმინა ჩემი ვედრება....ხალხნო ის დაავადება რომელიც ოპერაცის და ქირურგიულ ჩარევას საჭიროებდა 2 კვირაში საერთოდ გაქრა და ნაკვალევიც არ დამრჩა.დიდება შენდა ღმერთო....დაილოცოს ღვთის ძალა და უფალმა უდიდესი სიხარული მოუტანოს იმას თუ ვინმემ ჩემთვის თხოვა გამოჯანმრთელება.......შოკში ვარ....ბედნიერებისგან.

ნათიას,თამარს,სოფოს და იმას ვისი სახელიც არ ვიცი და ჩემტვის გამოჯანმრთელბა სთხოვა უღმესი მადლობა და უფალს ვთხოვ თქვენს ოჯახებში დიდი მადლი და ბედნიერა სუფევდეს და ყოველ ნაბიჯზე დაგხვედროდეთ სიკეთე რაც მე გამიწიეტ.დიდი მადლობა....ხალხნო განვიკურნე ექიმის გარეშე.....შოკში ვარ"

მადლობა ყველას, ვისაც მოყვასის სიყვარულის უნარი შერჩენია, მადლობა დედა ღვთისმშობელს, მადლობა უფალს ყველაფრისთვის.
ლოცვის მადლი არ მოგკლებოდეთ!