ვებგვერდი რომფეა.გრ აქვეყნებს იმ შესწორებებს, რომლებიც ელადის მართლმადიდებელმა ეკლესიამ შესთავაზა კრებას დოკუმენტისათვის: "მართლმადიდებელი ეკლესიის დამოკიდებულება დანარჩენი ქრისტიანული სამყაროსადმი".  
"ჩვენი ეკლესიის შეთავაზება იცავს მართლმადიდებლურ ეკლესიოლოგიას და არანაირად არ ახდენს გავლენას ძველ მართლმადიდებლურ ტრადიციაზე", - განაცხადა დღეს ელადის ეკლესიის წმინდა სინოდმა. 
მეტი სიზუსტისათვის წმინდა სინოდმა გაავრცელა პრეს-რელიზი, რომელშიც სრულად არის ჩაწერილი ათენისა და სრულიად ელადის არქიეპისკოპოს იერონიმეს სიტყვა:
ტექსტში, რომელიც ეხება მართლმადიდებელი ეკლესიის დამოკიდებულებას დანარჩენი ქრისტიანული სამყაროსადმი, ელადის ეკლესია მე-6 პარაგრაფში ითხოვს ცვლილებას: ნაცვლად ფრაზისა "მართლმადიდებელი ეკლესია ცნობს სხვა ქრისტიანული ეკლესიებისა და აღმსარებლობების ისტორიულ არსებობას" ჩაიწეროს ასე: "მართლმადიდებელი ეკლესია ადასტურებს არამართლმადიდებელი ეკლესიებისა და აღმსარებლობების ისტორიულ სახელწოდებებს".
ამ ცვლილების შედეგად შესაძლებელი გახდა საერთო შეთანხმებისა და კონსენსუსის მიღწევა.
უნეტარესმა არქიეპისკოპოსმა ათანასემ, რომელმაც გაახმოვანა ეს წინადადება, განაცხადა: "შესწორების შეტანით ჩვენ შევძელით კრების ერთიანი გადაწყვეტილების მიღება, რამაც ისტორიაში პირველად მოგვცა შესაძლებლობა, გამოგვეკვეთა ურთიერთობის ჩარჩოები არამართლმადიდებლებთან არა თავიანთი არსით, არამედ მხოლოდ ისტორიული სახელწოდებით არამართლმადიდებელ ეკლესიებთან და აღმსარებლობებთან".
წყარო: რომფეა.გრ                
                
                - მთავარი
 - ჩვენ შესახებ
 - ეკლესია
 - ქრისტიანული ცხოვრება
 - რწმენა
 - წმინდანები
 - სხვადასხვა
- ახალი ამბები
 - დიასახლისის გვერდი
 - სწავლებანი
 - ერისკაცობიდან მღვდლობამდე
 - ქრისტიანული საიდუმლო
 - ქრისტიანული სიმბოლიკა
 - ცოდვა
 - ისტორია
 - ანგელოზები
 - ამბიონი
 - კითხვა-პასუხი
 - ეს უნდა ვიცოდეთ
 - ცრუ მოძღვრებები
 - სხვა რელიგიები
 - სხვადასხვა
 - მკითხველის გვერდი
 - ეპისტოლენი, ქადაგებები
 - ნამდვილი ამბები
 - სასწაულები
 - წაუკითხეთ პატარებს
 - ჩემი სოფელი
 - ქართული გვარები
 - ქართული ანბანი
 - რელიგიურ-ფილოსოფიური ლექსიკონი
 
 - წმინდა წერილი
 - წიგნები
 - ლოცვანი
 



                                    
                                    

                                        
                                        
                                        
                                        
                                        
                                        
                                        
                                        
                                        
            