საქართველოს ეკლესიის წმინდა სინოდმა და მისმა მეთაურმა საქართველოს კათალიკოს-პატრიაქმა შესანიშნავი გამოსავალი გააკეთეს იმ რთული მდგომარეობიდან, რომელიც შექმნილია მართლმადიდებელ კრებასთან დაკავშირებით. ვფიქრობ, ეს გადაწყვეტილება არის ძალზედ ბრძნული, რომელიც სამომავლოდ ძალიან კარგ შედეგს მოუტანს საქართელოს ეკლესიას და ჩვენს ერს, ვისთვისაც ჩვენ ვლოცულობთ,- განაცხადა "კარიბჭესთან" საუბრისას მანგლისისა და თეთრიწყაროს მიტროპოლიტმა ანანიამ (ჯაფარიძემ).

ცაგერისა და ლენტეხის მიტროპოლიტის სტეფანეს (კალაიჯიშვილის) განმარტებით, წმინდა სინოდმა იმსჯელა ამ საკითზე და ერთსულოვნად გადაწყდა, არ წავიდეთ კუნძულ კრეტაზე დაგეგმილ კრებაზე. ის ვითარება, რომელიც ახლა არის შექმნილი, არ იძლევა საშუალებას კრებაზე ჩვენი პოზიციის დაცვისა. ერთსულოვნების გამოხატულება ამ კრებას არ შეუძლია იმიტომ, რომ არის დარღვეული გარკვეული პრინციპი. წმინდა სინოდის ოქმის გამოქვეყნდების შემდეგ ყველაფერი გაცხადდება.