ღირსი სერაპიონ სინდონიტის ხსენებას ეკლესია ორჯერ აღასრულებს ძველი სტილით 21 მარტს, 07 აპრილს და 14 მაისს.
ის ეგვიპტეში დაიბადა და სიყმაწვილიდანვე შეუდგა ბერმონაზვნულ ღვაწლს. ნებით იტვირთა სიგლახაკე ქრისტესთვის - თავშესაფარიც კი არ გააჩნდა. მთელი მისი ქონება იყო ერთი სელის სამოსი - სინდონი (ალბათ, ამიტომაც უწოდეს მას სინდონიტი) და სახარება. ღირსი სერაპიონი მოყვასისადმი უსაზღვრო სიყვარულით გამოირჩეოდა. ყველაფერს, რასაც კეთილი ადამიანები ჩუქნიდნენ, გლახაკებს ურიგებდა. ერთხელ წმინდანმა სიცივისაგან აკანკალებულ მათხოვარს საკუთარი ტანსაცმელი აჩუქა; როცა ერთი კეთილმსახური მოქალაქე მანიქეველობის ერესით ცდუნდა, ღირსმა სერაპიონმა მისი სულის წარწყმედისაგან დასახსნელად პირად თავისუფლებაზეც კი უარი თქვა, მონად მიეყიდა ამ კაცს და გონებრივი შეგონებებით მოაქცია მართლსარწმუნოებაზე. უფლის რჩეული V საუკუნის დასაწყისში მიიცვალა.

მართლმადიდებელი ეკლესია წმინდა სერაპიონს მოიხსენიებს: 07 (20) აპრილს, 14 (27) მაისს და 21 (03.04) მარტს.
.................................................


აქვე შეგიძლიათ წაიკითხოთ:

წმინდა სერაპიონ სინდონიტი (IV-V) - 7 აპრილი (20 აპრილი)

ღირსი სერაპიონ სინდონიტი (V) - 14 (27) მაისი